382 Regesta Bohemiae et Moraviae. esse volumus dominus graciosus, nos quoque iam dictus marchio Moravie bonus amicus perpetuo esse tenebimur dicti ducis. Quam ob rem —— renunciamus pro nobis, heredibus et successoribus nostris, regibus Boemie et marchionibus Moravie, perpetuo omni iuri, impeticioni et accioni, quas super ducatibus, principatibus, terris et dominiis Austrie, Styrie, Karinthie, Carniole, marchie Slawonice et Portus Naonis aliisque ducis eiusdem terris, princi- patibus ac dominiis et eorum pertinenciis universis, ubicumque sitis, quovis modo habuimus, habemus vel habere possemus. Promittimus igitur bona fide et sine dolo sub iuramento, quod super eo corporaliter ad sancta prestitimus, eidem duci, fratribus et heredibus suis, quod nos pro predictis ducatibus, principatibus, dominiis et pertinenciis eorumdem nun- quam stabimusb) verbis vel factis, iure, impeticione vel alio quovis modo publice vel occulte, sed eos in premissis perpetuo permittemus pacifice et libere permanere. Promittimus insuper bona fide sine dolo in virtute predicti per nos prestiti iuramenti, quod nos dicto duci Austrie et fratribus suis predictis omnia privilegia, litteras et munimenta, que super predictis habemus titulo hereditario, obligario, pingneraticio, feodi, concessionis, donacionis seu aliis titulis quibuscumque, eciam si privilegia, littere et munimenta huiusmodi ad nostram et progenitorum nostrorum potestatem ab imperatoribus seu regibus Romanorum aut personis aliis quomodolibet devenissent, ad plenum restituere et integraliter assignare et nichil horum aput nos quomodolibet reservare. Sique aliqua privilegia et litteras aut instru- menta presenti nostre renunciacioni contraria aut contrarias umquam aliquo tempore in lucem prodire contingeret, volumus et nostre intencionis existit, quod nullius sint efficacie, virtutis, roboris aut momenti, sed inutiles conputentur, neque nobis, heredibus et successo- ribus nostris aliquid utilitatis adducant seu valeant prefato duci Austrie, fratribus suis et — — eorum heredibus et successoribus aliquod preiudicium°) generare. Promittimus eciam— quod omnia suprascripta nostra promissa firma semper et inviolata perpetuis volumus observare temporibus et contra ea nunquam facere quovis modo, renunciantes expresse pro nobis, heredibus et successoribus nostris, regibus Boemie et marchionibus Moravie, ex certa sciencia omni canonici et civilis iuris auxilio et omnibus constitucionibus papalium imperia- liumque voluminum, terrarum consuetudinibus omnique beneficio et observancie, quibus nos contra hec tueri possemus, quibusve vel per que ipsi duci Austrie, fratribus, heredibus et successoribus suis in suprascriptis ducatibus, principatibus, terris atque dominiis ullum umquam posset impedimentum, dampnum vel periculum inminere. Venn. Arnesto Pragensi archiepiscopo, Johanne Olomuncensis, Johanne Leuttmuschlensis, Theodorico Mindensis, Alberto Swerinensis eccl. episcopis et ill. Bolkone Valkenbergensi et Johanne Oppauiensi ducibus, principibus nostri dicti imperatoris, spectt. Purchardo, purgrafio Maidburgensi. magistro curie nostre, nobb. Johanne de Wartenberg et Dirislao de Kraward), fidd. nostris — — testibus ad premissa. Presencium sub imperialis maiestatis nostre sigillo testimonio litterarum. Dat. in campis prope Esslingam a. d. 1360, ind. XIII, non. sept., regn. nostr. qui supra imperatoris a. decimo quinto, imperii vero sexto. Orig. (A) cum sig. maiest. et sig. marchionis de cera rubra comm. impressa in fil. ser. in aulico tabulario Vindobonensi. — Ibidem etiam orig. teutonicum (B) itidem cum sigg. in filis ser. datum ze veld —— 1360 iar an dem nehesten samstag vor unserr Frawen tag, als sie geborn wart bey Ezzelingen— Sub plica: Correcta per Milicium de Chremsir. — Ed. ex B Lünig, Cod. Germ. dipl. I p. 1259 n. 240.— B. Valentinelli, Diplomatarium Portusnaonense, FRA II 24 p. 62 n. 72. — Extr. Lichnowsky, Gesch. d. Hauses Habsburg IV p. 598 n. 212. — Reg. imp. VIII 3283. — HU — IMJ. a) A: praedicto — b) sic A; B: daz wir nach den egen. herczogtumen, furstentumen, landen und herschefften zu Ostirreich, zu Steyer, zu Kernten, zu Chrayn, uff der Wyndyschen marich, zu Portenaw und allen dem, daz dovor beschriben stet, und iren zugehorungen nymmer gesteen wollen — iudicium — d) sic A; B: Dyrslaw von Crawarn. c) A: