234 Regesta Bohemiae et Moraviae. 355) 1359 dec. 18. Pragae. Iudex et consules Maioris civitatis Pragensis profitentur hereditatem cum vinea et attinen- tiis in villa Okruhlý, quae quondam Johlini Junoš fuerat, in monasterii s. Hieronimi Slavorum proprietate esse. Nos Nicolaus Reimbote iudex, Nicolaus Znoymer, Johannes Rost, Johannes Lutme- riczer, Ula Silberczeiger, Cunradus Nuremberger, Mathias Baldwin, Bohuslaus in Leta curia, Jeschlinus Rotil, Jeklinus carnifex, Johannes Byberner et Merklinus institor, iurati ——, quod constitutus cives Maioris civitatis Pragensis, harum serie literarum profitemur coram nobis inter quatuor scampna iudiciaria more solito nobis ad reddendum iura et causas audiendum pro tribunali sedentibus discr. et honestus v. Johelinus Gynosschil, noster coniuratus et concivis, non coactus —— suo, fratrum et heredum suorum nomine palam et notorie recognovit hereditatem in Okruhli, que quondam sua fuerat cum vinea, limitibus et finibus ac omnibus et singulis pertinenciis et appendiciis earundem ad invict. dominum nostrum, d. Karolum, Romanorum imperatorem et Boemie regem, ex certis, iustis et raciona- bilibus causis fore et esse devolutam. Et quam hereditatem cum vinea et attinenciis ipsarum universis post huiusmodi devolucionem rite et racionabiliter coram nobis prefatus dominus noster imperator religg. et devv. fratribus, abbati et conventui mon. s. Jeronimi Slavorum et ipsi monasterio Nove civitatis Pragensis dedit, tradidit perpetue et hereditarie ac irre- vocabiliter donavit, resignavit et assignavit libere, racione et nomine permutacionis pro bonis et hereditate in Morsin cum dictis abbate et conventu inite et facte ad habendum, tenendum, locandum, utifruendum et, si necesse fuerit, vendendum, commutandum ac disponendum cum et de hereditate, vinea et ipsarum pertinenciis predictis, quidquid visum fuerit expedire. Ibidem eciam prefatus Johellinus suo, heredum et fratrum suorum nomine renuncciavit omni iuri tam canonici quam civilis et iuris auxilio excepcioni et accioni, quod et que sibi et ipsius fratribus et heredibus ad presens conpetunt seu conpetere poterunt quomodolibet in futurum promisitque fideliter sub honori sui privacione, quod ipse per se vel alium seu alios publice vel occulte verbo vel facto contra huiusmodi recognicionem, devo- lucionem et donacionem predictas ullo umquam tempore venire vellet ex quacunque causa, ingenio vel colore. Et presertim dictus Johelinus huiusmodi devolucionem et donacionem emologavit et palam approbavit petens nos iudicem et iuratos predictos cum desiderio et affectu, quatenus recognicionem et renuncciacionem predictas ac omnia et singula pre- dicta, quantum ad nos spectaret, ratificare, approbare et confirmare dignaremur. Nos vero videntes huiusmodi peticionem esse racionabilem, recognicionem, devolucionem, donacio- nem et renuncciacionem predictas tenore presencium ampliori modo, quo possumus et valemus, approbamus et ratificamus appropriantes nichilominus hereditatem et vineam in Okruhli cum ipsarum finibus et limitibus monasterio Slavorum prememorato cum omnibus et singulis clausulis et punctis prius tactis et premissis, prout eciam prius per plures annos rite et racionabiliter tenuerunt et possederunt. In cuius rei firmitatem et memoriam perpetuam presentes literas scribi et fieri de prefati domini nostri imperatoris mandato et ipsius Johelini voluntate et precatu sigillo nostro civitatis Maioris iussimus communiri. Dat. Prage, a. d. milesimo trecentesimo quinquagesimo nono, feria quarta proxima post festum b. Lucie virg. Edd. Helmling-Horcicka, Das vollständige Registrum Slavorum p. 71 n. 32. (ad dec. 17.) e ms. Registri ciusdem p. 38. — Extr. MVGDB 16 p. 257. — [L].