288 Regesta Bohemiae et Moraviac. patres sancti sanxere mundanis strepitibus ac virorum non debere cetibus pro querendis aut agendis temporalibus inmisceri, hinc enim salus nobis eterna promittitur, hinc nostri culminis exaltacio felici processu feliciter prosperatur, dum ille sub quietis amenitate vitam in dei servicio ducunt pacificam et liberate a mundi turbinibus pro nostra incolumitate pariter et salute preces valent“) assiduas ad Altissimum ex mundis cordibus iocundas offere. Sane pro parte religg. Magdalene abbatisse et conventus mon. ad Misericordiam dei in Praga, ord. s. Benedicti, devv. nobis dill., ad nostre nuper deductum extitit maiestatis auditum, qualiter ipse dudum post obitum bone mem. ven. Johannis, quondam Olomucensis episcopi, curiam sive domum ex opposito ecclesie s. Benedicti, ord. Cruciferorum fratrum domus Theutonice, intra et circab)muros antiquos civitatis nostre Maioris Pragensis sitam, quam olim idem episcopus .. abbatisse et conventui ac monasterio antedictis dedit et contulit perpetuo possidendam, de speciali favore et consensu unanimi ven. Theodrico Mindensi episcopo, principi, consiliario et dev. nostro dil., et post eum fid. nostro dil. Heinrico dicto Fayst de Ratispona, civi Pragensi, ad amborum ipsorum vite tempora dederunt et conces- serunt inhabitandam, tenendam pacifice et habendam. In qua quidem curia idem episcopus Mindensis sumptuosa erexit edificia et ) notabiles structuras exstruxit, ad quod idem Heinri- cus tam laboris studio quam sumptu proprio fideliter ministravit, propter quod .. abbatissa et conventus predicti verisimiliter dubitantes, quod post obitum eorundem predicta curia aliquo pretextu per quemcumque posset impeti, impetrari seu quomodolibet vendicari, super hoc a nostra sibi pecierunt celsitudine graciosius provideri. Nos igitur attendentes, quod dictus Mindensis episcopus, licet notorie administracioni et dispensacioni rerum et pecuniarum nostrarum presideat easdemque ad nutum nostre maiestatis tam generaliter dispenset, quam legaliter administret dictas tamen structuras et edificia non de nostro erario, sed de pecuniis proprie persone sue intuitu, tam a nostra liberalitate in munere pro- suis obsequiis, quam aliunde de susceptis a nobis ac per nos ei collatis redditibus acquisitis, incepit pariter et perfecit, sicuti per racionem completam ab eo de nostris redditibus et — — sanoque eorum dispensacione nobis redditam clarissime nobis constitit atque constat, principum, procerum, baronum et fidelium nostrorum consilio declaramus, statuimus et edicto regio Boemie de certa sciencia auctoritate presencium ordinamus, quod predicta curia post ipsius Mindensis episcopi necnon Heinrici dicti Fayst obitum statim et inmediate sine contradiccione cuiuslibet ad abbatissam, conventum et monasterium antedictos redeat et libere revertatur, abbatissa quoque et conventus prefati ad suum et monasterii sui pro- fectum de illa tunc faciant libere et disponant sicuti de re propria, quod sibi et suo viderint monasterio utilius expedire, nec possit eadem curia sive domus pretextu devolucionis in fiscum seu alio quocumque quesito colore a nobis aut nostris heredibus et successoribus, Boemie regibus, impetrari vel quomodolibet obtineri, decernentes irritum et inane, si dictam curiam per quemcumque cuiuscumque dignitatis, condicionis vel status existat, a nobis vel dictis heredibus et successoribus nostris impetrari vel obtineri contingat seu apud eandem curiam contra presens maiestatis nostre decretum in dictorum .. abbatisse, conventus et monasterii preiudicium sive gravamen quicquam quovismodo futuris temporibus attemp- tari, privilegiis aut litteris, si que vel quas per ignoranciam, errorem aut alio quovismodo sub quacumque forma forsan impetrari in contrarium seu dari contigerit, minime valituris, que et quas in quantum presentibus obviare possent, nullam obtinere volumus quocumque loco vel tempore firmitatem. —— Nulli ergo —— Poena: quinquaginta auri puri, quarum medietatem fisci nostri regalis Boemie, alteram vero .. abbatisse et conventus eorundem usibus eo casu statuimus applicari ——. Signum etc. Testes huius rei sunt venn. Arnestus Pragensis archiepiscopus, Johannes Olomucensis, Johannes Luthomuschlensis, imp. aule cancellarius, et Maurus Corbauiensis eccl. episcopi; ill. Rydakarus Brunswicensis, Bolko Swidnicensis, Bolko Opuliensis et Przimyslaus Teschinensis duces; spectt. Ulricus comes de Helfenstein, Johannes burgravius Magdeburgensis; nobb. Jesco et Wanko de Warten-