Annus 1360 febr. 24.—29. 285 ubi commodius poterunt obtinere, et nichilominus dictum illese servabitur obstagium, non exiturus ab eodem, donec memoratis creditoribus nostris per nos et heredes nostros, quos eciam ad omnia et singula premissa observanda inseparabiliter illigamus, sors predicta cum dampnis omnibus inde contractis integre persolventur contradiccione qualibet non obstante. Sub harum, quas ego Johannes meo et in testimonium nocius discrr. Nicolai Thamari et Nicolai Ebrani iuratorum concivium, testium instanter rogatorum, sigillis dedimus robore literarum die b. Mathie apost. a. d. 1360. Cop. coneva Brunae in archivo civitatis in libro memoriali n. 39 fol. 229r. - HU — [MJ. 442) 1360 febr. 26. Pragae. Karolus imperator et rex magistro, iudici et consulibus civitatis Argentinensis mandat, ut senatum Maioris civitatis Pragensis de circumstantiis litis, inter Franam de Chayn militem et Heinricum dictum Onck [?] civem Pragensem de bonis quondam Wolfhardi et Wolflini de Lamparthaym vertentis certiorem faciant, quam litem dictus senatus Pragensis Karoli mandatu solvere debet. Dum contencio inter imperii vero quinto. Dat. Prage XXVI die m. febr. regn. nostr. a. quartodecimo, Ex archivo civitatis Strasbourg extr. Wencker, Coll. arch. p. 381. — Reg. imp. VIII 3081. Cop. tempo- ribus modernis confecta in archivo terrae Bohemiae. — [L]. 443) 1360 febr. 29. Pragae. Karolus imperator et rex Petro de Colonia, civi Pragensi, ungeltum de vino in Maiori civitate Pragensi per duos annos percipiendum confert. n. f. etc., quod ven. Theodericus Mindensis episcopus, princeps, consiliarius et — dev. noster dil., nostra auctoritate et nomine dil. nobis Petrum de Colonia, civem Pragensem, fid. nostrum, collectorem et perceptorem ungelti, quod in Maiori civitate nostra Pragensi de vino recipitur, fecit, instituit et eciam ordinavit, sic, quod dictus“) Petrus ungeltum vini predictum, incipiens a dominica, qua Adorate deum canitur, proxime preterita per duos annos continuos se invicem immediate sequentes cum omni eo modo et iure, prout ab antiquo preteritis temporibus a predecessoribus suis iure vel approbata consuetudine collectum seu perceptum est, hactenus colligere et percipere debeat et in sue usus voluntatis convertere, sicut sibi melius videbitur expedire, tali tamen condicione notanter adiecta, quod dictus Petrus de ungelto predicto in dictis duobus annis de quolibet anno eorundem duorum annorum octingentas mar. gr. Prag., quinquaginta sex grossos pro marca qualibet computatis, utpote quadringentas mar. dictorum gr. ad festum s. Georgii futurum proxime et quadringentas mar. residuas ad festum s. Galli post hec immediate venturum nobis, heredibus aut successoribus nostris, Boemie regibus, sine quavis contradiccione vel mora dare et solvere tenebitur et debebit. Quam ordinacionem dicti Mindensis episcopi in omnibus suis punctis et clausulis, prout annotatur superius, ratam auctoritate regia Boemie habere volentes et gratam, universis et singulis nostris fidelibus et subditis cuiuscumque gradus, preeminencie, condicionis aut status extiterint, firmiter et expresse mandamus, quatenus dictum Petrum contra ordinacionem huiusmodi in dicto ungelto non aggravent seu impe- diant nostre gracie sub obtentu. Presencium sub nostre etc. Dat. Prage anno LX, ind. Per d. Mindensem Heinricus Australis. XIII, II kal. marc. — Cop. coaeva in archivo publico Dresdensi in registris Caroli fol. 10v. — Ed. Glafey, Anecdotorum collectio p. 68 n. 38. — Reg. imp. VIII 3084. — HU — ſMJ. a) cor.: dominus.