202 Regesta Bohemiae et Moraviae. 309) 1359 oct. 5. Pragae. Capitulum ecclesiae Lutomislensis profitetur villam Hrušová ex pacto inter monasterium Aulae Regiae et Johannem, episcopum Lutomislensem, ad monasterium Aulae Regiae pertinere, exceptis quibusdam immobilibus, quae in capituli Lutomislensis possessione permaneant. Nos Nicolaus prior, Woyslaus custos, Zywoldus cantor, Petrus scholasticus et totum capitulum eccl. Luthomuschlensis recognoscimus universis, quod honn. et religg. vv. abbas, prior et conventus mon. Aule Regie ord. Cist. ex causa permutacionis facte alias cum rev. in Cr. patre et domino nostro, d. Johanne, episcopo Luthomuschlensi, sacre imp. aule cancellario, cum certis bonis, ut in litteris super ea factis plenius continetur expressum1), villam Russchow, exceptis nostra curia seu allodio, rubo seu rubeto, pratis aliquot et molen- dino, que ad nos et nostrum pertinent capitulum, habere debent et pacifice possidere cum omnibus censibus, redditibus, honoribus, iudiciis et aliis pertinenciis universis et dominio, iure, modo et forma, quibus prefatus dominus noster, d. episcopus, eandem villam hactenus habuit et possedit. In cuius rei testimonium sigilla rev. in Cr. patris et domini, d. Johannis, episcopi Luthomuschlensis prefati, et nostrum presentibus sunt appensa. Dat. Prage a. d. millesimo trecentesimo quinquagesimo nono, in octava b. mart. Wencezlai. Orig. perg. cum 2 sigg., quorum 2) avulsum deest, Pragae in archivo ministerii rerum internarum sign. Litomyšl prem. č. 12. — Ed. Brandl, Cod. dipl. Mor. IX p. 112 n. 139. — Extr. Tadra, Listy kl. Zbraslavského p. 113 n. 159. — Šebánek, Archivy zruš. klášt. mor. a slez. p. 158 n. 789.— HU—[L]. 1) Conf. Reg. Boh. et Mor. VI n. 334 et 741. 310) 1359 oct. 5. Pragae. Arnestus, archiepiscopus Pragensis, pestilentiae tempore processiones fieri, missas pecu- liares celebrari, ieiunia servari ac salutationem angelicam recitari iubet. omnibus et singulis Cristi fidelibus, tam clericis quam eciam secularibus, per nostram dyocesim constitutis, salutem in domino et ad deum post perpetrata facinora ex toto corde converti. Cum corporalis infirmitas frequenter animi egritudinem subsequatur et econtra correctis et emendatis a viciis plaga, propter peccatorum pondus inflicta, desinit desevire, hinc est, quod cum mortalitatis pestilencia ob multitudinem et magnitudinem peccatorum nostrorum, sicut verisimiliter formidamus, ante paucos annos transactos et eciam anno proxime preterito patriam istam invasisset et nobis penitenciam agentibus et cessantibus a peccando plaga illa cessavit a nobis, nunc vero recidivantibus nobis in peccata dimissa, tamquam si canes ad vomitum revertantur, et forsan quod non sine amaritudine cordis adicimus, quia non veriti fuimus maxime peccata cumulare prioribus, pestilencia sevior iterato est reversa. Nam cum priori vice hominibus ipsius pestilencie morbo infectis penitencie spacium ex misericordia domini concedebatur per triduum, nunc ipso die, quo inficiuntur, ut plurimum moriuntur subito tamquam animalia insensata. Expedit igitur et necessarium nobis est, ut cum ad exaudicionem precum nostrarum ad deum per iteracionem et exaggeracionem peccatorum reddiderimus nos indignos, ad sanctorum suffragia recurra- mus cum firmo proposito a viciis abstinendi de cetero et vitam nostram in melius corrigendi. Propter quod ad placandam iram dei vindicis iterato renovare et preparare decrevimus anthidota spiritualia, que sequuntur: In primis enim priora nostra monita salubria re- novantes requirimus et hortamur attente, quatenus in civitate Pragensi metropolitana et tota nostra dyocesi a publicacione et noticia presencium processiones solenniter fiant a clericis, tam secularibus quam eciam religiosis, populo subsequente, letaniam decantando diebus infrascriptis, et misse similiter decantentur et dicantur in omnibus ecclesiis et