60 65 70 75 85 90 toris formam induit humaneque speciei naturam in bestie proprietatem detestabili ritu mutavit adeo, ut non solum meos amabundos exhorreat amplexus, aspernetur consorcium, vernantis mei decoris venustatem veluti squaloris horribilem maculam dedignatur aspicere ac in me viduam, imo matrem ac ingentem benefactricem a seculis inaudita rabie ferocitatis bacchatur, glorie mee celsitudinem | in pulveris ima molitur deduſcere, meas enervare vires, opes diripere ac meam ce- lebrem undique famam in infamie ignominiam commutare. Sed ut huius rabiei immanitas liquidius pateat, pauca pro innumeris referens ad specialiora descendam. O quot iam tuos sacerdotes eximios ac inclite honestatis viros pariter et feminas ipso procurante ignis exussit flamma! Quot carceralis extinxit angustia! Quot utriusque sexus trucidavit gladius, occiderunt arma ac fovearum in Montibus Kutnis ferox vorago conclusit! Ha, quot oppresse virgines et usque ad exicium nonnulle nefario actu deducte! Quot coniugatarum immaculatus coin- quinatus est thorus! Quot viduis pudicicie decus ademptum! O quot viduos et viduas, quot pupillos, quot parentes absque liberis quotque egenos et inopes emula manus effecit! Tu solus nosti, qui multitudinem innumeram stellarum numeras et omnibus eis nomina vocas. Non est hic profecto homo tua clementi manu formatus, sed pocius ferocis- simum vipperarum genimen, quod partu parturientis ventrem nedum discerpere, sed eciam totius corporis materiam demoliri conatur. Hic est, ut conicio, draco ille magnus et ruffus septem capitum, decem armatus cornibus ac septem diadematibus coronatus, qui illi fetose insidians puerpere fetumque ipsius generosum cupit ingluvioso ore vorare. O utinam genitrix huius atrocis geniti non fuisset genita, aut nata 80 virum non nosset, aut effeta et sterilis per secula sempiterna mansisset, que alitricis sue sevum sugillatorem peperit ac gentis sue immanissi- mum, ut verum fatear, parricidam. Ad hoc haut dubium rerum natura illum duntaxat edidit, ut patenter claresceret, quid possint vicia in fastigio summe fortune locata. O quanta est hic insensatus amencie acrisia fascinatus, ut illam in- famare, spoliare, exterminare omni via et modo laboret, pro cuius gloria, rebus et salute, si recte saperet ac novissima provideret, se usque ad sanguinem et mortem exponere iure iubente deberet. Numquid est hic letali letargo attonitus, quod non meminit magne et ineffabilis munifficencie mee dulcedinis, quam sibi eciam in sua radice tamquam piissima mater impendi; avum nempe suum ex humili comite magni- ficum regem effeci patremque in regem et imperatorem Romanorum promovi fratremque ipsius super ducatus et regna constitui huncque infrunitum femori patris as genitricis alvo inserui, in utero matris meo potavi sanguine, ulnis suscepi genitum ac suavissimo lacte lactavi, moribus imbui claris et mox in ipsius vite primordiis Brandeburgensis marchionatus honore fulcivi. Nec his contenta favoribus in regnorum Ungarie, Dalmacie, Croacie K 207b V 85 a V 85b 55 95 169