18 172. Jtem vûr vns ist kvmen vûr gehegte bank Parsenicz vnd hat ufgegeben vnd vorreicht seyn hof, gelegen hynder Elbels weysen hof, erbeclich czu haben demselben Maleschken. [Gelöscht.) 173. Jtem vûr vns ist kvmen vor gehegte bank Maleschke, vnser herren kelner, vnd hat vor- gabet vnd vorreicht frawen Margarethen, seyner elichen hausfrawen, all seyn gut, havs vnd hof vnd acker vnd all varnde habe, das her iczunt hot adir in czuk€nftigen czeiten gewynnen mag, in sülcher mosze, welches ee stirbet, das ys das lebende behalden sal. Auch ab yn got kynder mitenander bescherte, die sûllen auch recht haben czu den gutern, als ander eliche erben haben czu irem vaterlichem erbe. [Gelöscht.] 174. Jtem vûr vns ist kvmen vor gehegte bank mit gesvndem leybe Ditrich von Costen, vnser mitpurger, vnd hat bekant, das her verkauft hat seynen hof vnd seyn erbe Peter Tuchmechern, vnser eytgenosen, vnd hat denselben hof mit dem erbe vorgabet vnd vorreichet demselben Peter Tuchmechern vnd all seyn erben erbeclich czu haben. 175. Jtem vûr vns ist kymen Mathy, Seydels eydem, vor gehegte bank vnd hat bekant, das her abgericht ist von Zachen, seynem vater, mit czwenczig schoken, daran her ym hot lossen genvgen vnd hat gelobet denselben Zachen, seynen vater, vnd seyn hausfraw vnd all seyn kynder vngehyndert lossen an iren gütern an alle ansproche. 176. Jtem vür vns ist kvmen Cvnczel Gerwer vnde hat vorsaczt die lomôl Zalmon juden vůr 32 gr. vnd alle wochen von mitvaste bis uf sente Johannes tag Tôpliczer jarmark sal eyn gr. gen czu wucher vnd wo her sie uf denzelben sente Johannes tag nicht löste, das her sie vorkaufen vnd vorseczen mag, wem her wil, vûr seyn gelt noch der stat recht. [Gelöscht.] 177. Jtem vûr vns ist komen vor gehegte bank der erber man Peter von Gablencz, czu den geczeiten vnser herren voyt vnd hat ufgegeben vnd vorreicht von vnser herrentwegen das haus bey dem Töplichen tore, das etwen Jekel Schreibers gewest ist, Thomas, vnser herren kosche, ym vnd seyner hausfrawen vnd iren erben erbeclich czu haben, alzo, das her dovon recht tyn sal gleicher weys, als eyn ander mitbürger. [Gelöscht.] 178. Jtem wir bekennen, das vûr vns kvmen ist vor gehegte bank der erber prister her Galle vnd hot ufgehaben czwe schok gr. von Ditrich Slossers gute. Des hat derzelbe her Galle gelobet vûr sich vnd vûr seyne swester, das her, noch seyn swester Sophey, das gut nymmer ansprechen sûllen vnd wen dieselbe seyn swester Sophy myndik wirt, so sal her sie vor gehegte bank brengen, das sie sich seyn vorczeihen sal. [Gelöscht.] 179. Wir bekennen, das vûr vns kvmen ist vor gehegte bank Nickel Heuseler, vnser richter, vnd Nicze Sneyder, vnser pûrgermeister, vnd Peschel vom Grabe, vnser eytgenos, vnd haben bekant, das sie schüldik seyn virvndezwenczig schok gr. den erbern mannen Herman von Stupicz vnd Cvnrad von Coschwicz. Dieselben virvndezwenczig schok gr. sûllen sie yn gelden vnd geben uf sente Michels tag, der ny kvmet vnvorczenlich. Wo sie das nichten teten, das sie das gelt gewynnen sûllen vnd môgen in cristen adir in juden uf iren schaden vnd uf ir güter. Das gelt haben sie gelobet vûr vnsern herren. [Gelöscht.] 180. Wir bekennen, das vûr vns kvmen ist vor gehegte bank Jetrisch von Kosten vnd hat gewilkürt vnd gelobet bey 10 schokken vůr seyne hausfraw vnd vůr seyne kynde vnd vůr all seyne fründe, das sie Petersen Tychmecher an dem erbe vnd gütern, die her wedir yn gekaufet hot, das sye yn nymmer gehyndern noch angesprechen sûllen vnd yn das freyen zal vor allir menniclich. Wo sie yn obir des hynderten adir ansprechen, das die 10 schok gevallen sûllen dem hern. [Gelöscht.] 181. Recognoscimus, quod ciuitas tenetur Johanni Czalner de Nova Civitate et matri et pueris eius 81/2 sex., quas solvere tenetur super festum Martini proxime futurum sine qualibet protractione. [Gelöscht.]